هي جميع المشاكل والأمراض اللي كتقيس منطقة المخرج والمقعدة. هاد الأمراض شائعة بزاف وكيعاني منها بزاف ديال الناس، ولكن الحشمة والملازمة كتخلي الكثير يؤخر الاستشارة الطبية حتى كيزيد المرض.

1. البواسير (Hémorroïdes): انتفاخ أو التهاب فالعروق ديال المخرج (تقدر تكون داخلية أو خارجية).

2. الشق الشرجي / التفركيعة (Fissure anale): جرح أو شق صغير فالمخرج كيسبب ألم حاد وقت التواليت.

3. الناصور الشرجي (Fistule anale): قناة أو مجرى صغير كيتكون تحت الجلد وكيخرج منه القيح.

4. الدمل الشرجي (Abcès anal): تعفن وتجمع ديال القيح فمنطقة المخرج كيسبب ألم شديد وسخونة.

5. الكيس الشعري (Kyste sacro-coccygien / Pilonidal): كيس كيتجمع فيه الشعر والقيح فالأسفل ديال الظهر (فوق الفلقة).

شنو هما الأعراض اللي كيحس بيهم المريض؟

- ألم أثناء أو بعد التواليت: ألم حاد كيستمر دقائق أو ساعات.

- نزيف الدم الأحمر: خروج قطرات ديال الدم مع الغائط أو فالورق الصحي.

- حكة أو حريق ودلك: إحساس بالحرقة أو الحكة المداومة فالمخرج.

- انتفاخ أو ولسيسة: ظهور حبة أو نفخة قاصحة ومؤلمة على برا.

- خروج سائل أو قيح: إفرازات كتقيس الحوايج الداخليين.

- القبض المزمن (الإمساك) أو الإسهال المتكرر.

- الحزاق والضغط الشديد أثناء التواليت.

- الجلسة الطويلة (مثل السائقين أو موظفي المكاتب).

- سوء التغذية (قلة الألياف والماء، وكثرة الحر والتوابل).

- الحمل والولادة عند النساء.

- التشخيص: كيكون بفحص بسيط وسريع فالعيادة كايحدد نوع المشكل بالضبط.

- العلاج بالدوا والتغذية: حالات بزاف (خصوصاً فالبداية) كيتعالجوا غير بالأدوية (مرهم، قوالب، ولا أدوية العروق) مع تغيير النظام الغذائي (شرب الماء، الألياف، وتفادي الحار).

- العلاج بالجراحة أو التقنيات الحديثة:

  - كينتجأ ليها الجراح ملي الأدوية ما كتعطيش نتيجة أو فالحالات المتقدمة.

  - حالياً كاينين تقنيات حديثة وبسيطة (بحال الليزر / Laser) اللي كتمكن من علاج البواسير والشق دون ألم كبير وبلا جرح عريض، والمريض كيرجع لدارو فنفس اليوم.